Azken berriak
Errobi, migratzaile goiztiarra
Errobi sai zuria Ipar Euskal Herrian sortu zen 2019an. Orduan genuen baliza batez ekipatu. Afrikan 18 hilabetez egon ondoan Europara itzuli zen 2021eko udaberrian. Udako egonaldia Hego Euskal Herrian iragan du nagusiki, Bizkaiko ornitologoek ongi ezagutzen duten eremu hartako lotegi handienetariko batean ikusia izan delarik.
Errobi sai zuriaren itzuleraren kronika
2019an hiru sai zuri gazte balizekin ekipatu genituen. Azkenean, baten Afrikako egonaldia segitu ahal izan dugu bakarrik. Errobi izenekoarena hain zuzen. Hamazazpi hilabete iraun du egonaldiak, lau herrialdetan, baina nagusiki Mauritanian eta Malin.
Zientzialari europarrek albaitaritzarako diklofenoa behin betiko debekatzeko deia egin dute
2020ko irailean, lehen saia bat (sai motza izan zen kasu honetan) hil zuen diklofenoak, Espainian erregistratutako albaitaritzarako erremedioak. Zientzialariek berehala debekatzeko deia luzatu dute eta meloxikama bezalako alternatibo seguruak erabiltzeko eskatu.
Segitzen ditugun espezieak
Sai zuria
Neophron percnopterus
Sai zuria Europako sairik ttipiena da. Osoki iragailea da ; Afrika tropikalean negutzen du, urritik otsailera. Zuberoako basaburuko artzainek « Behi bidetako emazte xuria » izen goitia emana diote. Izan ere tokiko laborarientzat azken elurteen eta neguko bukaeraren iragarlea da aspaldidanik.
Miru gorria
Milvus milvus
Miru gorria lapurra da. Sai-arreen apairuen hondarrak biltzeko duen gaitasuna miresgarria da. Bere lumen itxura eta hegan egiteko errextasuna bezain miresgarria. Mokoz harrapa dezazken guziak bereganatzen ditu: xixariak, horzkari ttipiak, hondarkin mota asko…
Sai arrea
Gyps fulvus
Sai arreak harrapari haratusteljaleak dira. Hegaldari trebeak, hamarka kilometro egin ditzakete, indarrik egin gabe, aire beroen bitartez aireetan iganez. Taldean bizi da eta taldean du bere janariaren atxematen: sai batek kabala hila atxeman orduko beste anitz juntatuko zaizkio urrunetik jinik ere.
Arrano beltza
Aquila chrysaetos
Arrano beltza Euskal Herrian kausi daitekeen harrapari eder eta trebeenetarik bat da. Bainan ere diskretuenetarik bat: izan ere, saiak bezalako harrapari haundien presentzia dela eta, aditua ez denarentzat, ez da hain ezagun.
Ugatza
Gypaetus barbatus
Pirinioetan, ugatzak 360 km² inguruko eremu zabal batean bizi dira, gehienetan bikoteka. 30 urte arteko bizi iraupena ukan lezakete. Beren papo-lumaren kolorea burdin putzu lohitsuetan egiten dituzten bainuetatik datorkie. Iparraldean betidanik prekarioa izan da espezie horren biziraupena.
Hontz handia eta besteak...
Bubo bubo
Gehien mehatxatuak diren xori motek segimendu berezi bat izaten badute ere, Saiak elkarteko kideek beste harrapari batzuk ere zaintzen dituzte eta haien inguruko datu bilketa ere burutzen, beste harrapari eguargitar nahiz gautarren kasuan.