Saiak eta laborantza elkarren pareko kokatu nahian

“Berria” egunkariko Joanes Etxebarria kazetariak azken asteetan berpiztu den saien ustezko “erasoen” inguruko artikulu mamitsua argitaratu du “Ipar Euskal Herriko hitza” astekarian. Véronique Zanoni marexala eta Andde Sainte-Marie ELB laborari sindikateko militantea elkarrizketatuz besteak beste. Saiak elkarteko Alain Pagoagaren argazkiekin osatua den txosten berezi horrek argitan uzten du laborarien eta saien arteko harremanen arraberritzeko premia.

Artikuluan aipatuak diren gaiak:

  • Saien “erasoak”: “Ohartu ginen kasu batzuetan, kabala ahula delarik, bizirik direnei erasotzen dietela baina nik ikertu ditudanetan sekulan ez ziren osagarri onean” (Véronique Zanoni).
  • Saiendako bazkaguneak: “Pentsatu genuen itzuli behar zela iraganeko egiteko molde batzuetara, erran nahi baitu guhaurek kudeatzea – ahal den neurrian – saien eta kabala hilen arteko lotura hori. Lehen egiten zen bezala, hasi gara sailkatzen gune batzuk, saien bazkalekuak bilaka daitezkeenak” (Andde Sainte Marie).

Artikulu osoa irakurtzeko: “Saiak eta laborariak: mendeetako elkarlan laguntza beharrean”