Ugatzaren ugalketaren segimendua aitzina doa Iparraldean. Lehen emaitzak ez dira hain onak. Ugatz bikoteak erreproduzitzen diren eremuetan adi egotea eta ahalik eta traba guttien eragitea aholkatzen die mendizaleei Saiak elkarteak, bereziki Nafarroa Beherean.
Estaing herrian (Pirineo-Garaiak departamenduan) apirilaren 16an aurkitua izan den ugatza Uztaritzeko Hegalaldia artatze tokira ekarria izan da apirilaren 24an. Berriz ere beste berri txar bat espezie honen etorkizunari begira Pirineoetan.
2008ko azaroaren 17an, Hegalaldia artatze zentroko kideek Kanbon hilzorian atxeman zuten ugatza zendu da. Biarnoan tirokatua izan zenarekin batera bigarren aldia da ugatz heldu bat desagertzen dela aurten. Horrek ondorio larriak ukan ditzake espeziearen etorkizunari begira mendebaldeko pirineoetan.
15 sai zuri bikoteren segimenduaz arduratu dira Saiak elkarteko zonbait behatzaile, ugaltze garaian, Baxe-Nafarroan baita Zuberoan, 2008ko apiriletik agorrilera. Aurten bederen 8 xito airatu dira ohantze desberdinetarik.
Ugatzaren ugalketaren segimendua berriz hasiko da udazken hasieran. Saiak elkarteko behatzaileek haien gain hartzen dute lan hori Nafarroa-Beherean. Aurten ere espero da zonbait bikotek kumealdia bururaino eramaten ahalko dutela.
