Saiak elkarteak bere desasdostasuna adierazi dio gutunez, apirilaren 14an, Lionel Beffre Pirinio-Atlantikoetako prefetari, saiak tiroz beldurrarazteko hartu duen deliberoari begira. 2012ko martxoaren 21ean hartua izan den erabaki honek ONCFS-eko guardiei baimena ematen die airean tiro egiteko etxaldeetatik hurbilduko liratekeen saien haizatzeko. Isabelle Rebours lehendakariaren letra argitaratzen dugu hemen bere osotasunean.
“Berria” egunkariko Joanes Etxebarria kazetariak azken asteetan berpiztu den saien ustezko “erasoen” inguruko artikulu mamitsua argitaratu du “Ipar Euskal Herriko hitza” astekarian. Véronique Zanoni marexala eta Andde Sainte-Marie ELB laborari sindikateko militantea elkarrizketatuz besteak beste. Saiak elkarteko Alain Pagoagaren argazkiekin osatua den txosten berezi horrek argitan uzten du laborarien eta saien arteko harremanen arraberritzeko premia.
Ohitura bat bilakatu da urtez urte. Martxo guziez gaueko harraparien inguruko animazioak antolatuak dira han eta hemen Ipar Euskal Herrian. Karia hortara Saiak elkarteak dei berezi bat pasarazi nahi luke naturzaleen artean, bakoitzak ahal duen neurrian bere laguntza eskain dezan gure hontz handien populazioen kondaketan. Belarria luzatu behar! Izan ere Ilunabarrean arrak botatzen duen kantuak, bikote baten presentziaren seinale izan daiteke edozoin eremutan.
Miru gorria Europako espezie endemikoa da. Azken 20 urteotan bere populazioek gain-behera kezkagarria ezagutu dute. Ondorioz, frantziar estadoan, 2003. urteaz geroztik bere babesa segurtatzeko egitarau berezi bat emana da bidean. Ipar Euskal Herrian ezagun da miru gorri anitz ugaltzen direla baina populazio honen dinamikaren inguruko datu zehatzik ez zen orain arte. Aurélien André gazteak Saiak elkartearentzat kudeatu duen lanak hutsune hori bete du nolazbait.
2010eko apiriletik ekainera Aurélien André ornitologo gazteak Iparraldeko sai zurien habiak bilatu eta ikertu ditu Saiak elkartearen kondu, langile gisa. Lan sakon honi esker espeziearen erreprodukzio guneen ezagutza anitzez hobetu da.
Saiak elkarteko kide batzuek hontz handi bikote baten erreprodukzioa ikertu dute 2009 urtearen hastapenean, Lapurdin. Ongi iragan den ugalketa honek Iparraldean nahiko ezezaguna den espezie honen hobeki ezagutzeko parada ematen digu.
